[ad_1]
( प्रगत भारत । pragatbharat.com)
नाचणीची भाकरी वा चपाती
Ragi Roti: इंग्रजीमध्ये मिलेट असं म्हटलं जाणाऱ्या नाचणीचा आहारामध्ये खूपच चांगला उपयोग होतो. वजन नियंत्रणात राहण्यासाठी नाचणीची भाकरी उत्तम ठरते. नाचणीमध्ये कॅल्शियम, लोह आणि जास्त प्रमाणात असणारे फायबर हे आरोग्यासाठी फायदेशीर असते. नाचणीतील फायबर अधिक काळ तुम्हाला भूक लागू देत नाही आणि त्यामुळे वजनवाढ होत नाही. साधारण १ ते दीड भाकरी पोटाला दिवसभर आधार ठरते.
यामध्ये असणारे ट्रिप्टोफॅन जे एक अमिनो अ‍ॅसिड आहे, ते वजन कमी करण्यास मदत करते. तसंच सतत भूक लागणेही यामुळे थांबते. स्वादिष्टपणा येण्यासाठी तुम्ही या पिठात मीठ, कोथिंबीर, ओवा घालूनही खाऊ शकता.
ओट्सची चपाती
Oats Chapati: शरीरातील चरबी जाळण्यासाठी अथवा वजन कमी करण्याचा प्रयत्न करत असाल तर तुम्ही ओट्सच्या चपातीचा आधार घ्यावा. फायबर आणि कार्ब्ससह पोषक तत्व यामध्ये असून त्वरीत वजन कमी करण्यासाठी याचा उपयोग होतो. याचा स्वाद अधिक वाढविण्यासाठी कोथिंबीर, हिरवी मिरची आणि मीठ मिक्स करून तुम्ही ही चपाती करू शकता.
(वाचा – १२ वर्षाच्या मुलाचे कार अपघातात डोकं झाले शरीरापासून वेगळे, ऑपरेशन करून जोडल्याचा अद्भुत चमत्कार)
बाजरीची भाकरी
बाजरीची भाकरी हीदेखील अत्यंत स्वादिष्ट असून वजन कमी करण्यास याचा उपयोग होतो. बाजरीमध्ये मॅग्नेशियम, जिंक, लोह आणि कॅल्शियमचे प्रमाण अधिक आढळते. गव्हाला उत्तम पर्याय बाजरीची भाकरी आहे. उच्च प्रमाणात असणारे फायबर पोट तृप्त ठेवते आणि आवश्यक विटामिन शरीराला मिळून वजन कमी होते. तसंच शरीराला येणारी सूजही कमी करण्यास मदत करते.
(वाचा – हात झाले असतील थुलथुलीत वाढली असेल चरबी तर, Fat Burn साठी सोपे उपाय)
बेसन चपाती
Gram Flour Chapati: चण्याचे पीठ अथवा बेसनची पोळी अर्थात काही ठिकाणी याला बेसन पोळा म्हटलं जातं. तुम्ही चपातीऐवजी जेवणात याचा वापर करू शकता. चण्याच्या दाण्यातून शरीराला चांगले पोषण मिळते आणि तुम्हाला पोट अधिक काळ भरलेले जाणवते. यामध्ये कांदा-टॉमेटो, आलं-लसूण पेस्ट, मीठ, कोथिंबीर मिक्स करून पोळा करून घ्यावा आणि खावा.
(वाचा – अंगावर शहारे का येतात, काय सांगते विज्ञान आणि कारणे)
बदाम चपाती
Almond Flour Chapati: मेंदूच्या आरोग्यासाठी आणि वजन कमी करण्यासाठी बदामाचे पीठ उत्तम ठरते. किटोजेनिक आहार घेणाऱ्या व्यक्तींसाठी हा चांगला पर्याय आहे. इंटरनॅशनल जर्नल ऑफ ओबेसिटी अँड रिलेटेड मेटाबॉलिक डिसॉर्डरने प्रकाशित केलेल्या अभ्यासानुसार, ८४ ग्रॅम बदामासह कमी कॅलरी आहारात कार्ब्सयुक्त आहाराच्या तुलनेत ६२ टक्के अधिक वजन कमी होते.
संदर्भ
https://www.myfitnesspal.com/food/calories/almond-meal-roti-57737631
[ad_2]
